មន្ត្រីនគរបាលជាតិ៦នាក់ នៅវរ:៨០៧ដែលបានបាត់បង់ម៉ូតូ អំឡុងពេលសង្គ្រាមកម្ពុជា-ថៃ ទទួលបានអំណោយម៉ូតូម្នាក់១គ្រឿង ពីថ្នាក់ដឹកនាំ

បន្ទាយមានជ័យ: នៅថ្ងៃទី២១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក សម វណ្ណវីរៈ អគ្គស្នងការរងនគរបាលជាតិ និងជាមេបញ្ជាការសមរភូមិខេត្តបន្ទាយមានជ័យ បាននាំយកអំណោយ ម៉ូតូ ចំនួន០៦គ្រឿង របស់ ឯកឧត្តម នាយឧត្តមសេនីយ៍ ខេង សុមេធ អគ្គស្នងការរង និងជាបញ្ជាការនគរបាលជាតិប្រចាំទិសភូមិភាគទី៣, ទី៤ និងទី៥ មកប្រគល់ដល់កងកម្លាំងវរៈសេនាតូចនគរបាលការពារព្រំដែនគោកលេខ៨០៧ ចំនួន០៦នាក់ ដែលបានបាត់បង់ក្នុងអំឡុងពេលសង្គ្រាមកម្ពុជា-ថៃ ។

ក្រៅពីនេះ ឯកឧត្តម ឧត្តមសេនីយ៍ឯក សម វណ្ណវីរៈ អគ្គស្នងការរងនគរបាលជាតិ និងជាមេបញ្ជាការសមរភូមិខេត្តបន្ទាយមានជ័យ ក៏បានអំណោយផ្ទាល់ខ្លួនមកចែកជូនបន្ថែមមួយចំនួន មានដូចជា: ធុងទឹកចំណុះ ៥០០ លីត្រ ចំនួន ០៦ធុង និង តង់ ចំនួន១០តង់ផងដែរ។

លោកវរសេនីយ៍ឯក ញាន ឡាញ់ ស្នងការរង ជំនួយដឹកនាំការងារព្រំដែន ប្រចាំនៅវរ:៨០៧ តំណាងលោកឧត្តមសេនីយ៍ត្រី សឿម សារិទ្ធ ស្នងការនៃស្នងការដ្ឋាននគរបាលខេត្តបន្ទាយមានជ័យ ក៏បានដឹកនាំកម្លាំងនគរបាលក្រោមឱវាទ អញ្ជើ្ជញចូលរួមទទួលម៉ូតូនិងសម្ភារ: ពីថ្នាក់ដឹកនាំ។ លោកក៏បានថ្លែងអំណរគុណ និងជូនពរឯកឧត្តម អគ្គស្នងការរងនគរបាលជាតិ ជួបតែពុទ្ធពរទាំង៤ប្រការគឺ អាយុ វណ្ណ: សុខ: ពល: កុំបីឃ្លៀងឃ្លាតឡើយ៕

By VICHHAI-NEWS