ភ្នំពេញ៖ ក្រោមការដឹកនាំ និងបញ្ជាផ្ទាល់ពី លោក សេង គន្ធ អភិបាលនៃគណៈអភិបាលខណ្ឌមានជ័យ កម្លាំងសមត្ថកិច្ចបានបើកប្រតិបត្តិការបង្ក្រាបទីតាំងល្បែងស៊ីសងអនឡាញខុសច្បាប់មួយកន្លែង នៅចំណុចខុនដូមួយកន្លែង ស្ថិតក្នុងភូមិព្រែកតានូ១ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
ក្នុងប្រតិបត្តិការកម្ចាត់ភាពអសកម្មនេះ សមត្ថកិច្ចបានឃាត់ខ្លួនជនជាតិវៀតណាមសរុប ៥នាក់។ ទន្ទឹមនឹងនេះ កម្លាំងជំនាញបានដកហូតវត្ថុតាងឧបករណ៍បច្ចេកទេសសម្រាប់បម្រើឱ្យសកម្មភាពល្បែងស៊ីសងខុសច្បាប់មួយចំនួន រួមមាន៖
កុំព្យូទ័រយួរដៃ៖ ៥គ្រឿង
ទូរសព្ទដៃ៖ ២គ្រឿង
អាជ្ញាធរបានសម្តែងការកោតសរសើរ និងថ្លែងអំណរគុណដល់ម្ចាស់ខុនដូដែលបានចូលរួមសហការយ៉ាងល្អប្រសើរជាមួយសមត្ថកិច្ច ដើម្បីលុបបំបាត់បទល្មើសនៅក្នុងមូលដ្ឋាន។
បច្ចុប្បន្ន ជនសង្ស័យទាំង ៥នាក់ ត្រូវបានបញ្ជូនទៅកាន់អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងបញ្ជូនទៅតុលាការចាត់ការតាមនីតិវិធីច្បាប់យ៉ាងតឹង
រ៉ឹងបំផុត។
