ស្រុកអង្គរបូរី៖ ថ្ងៃអាទិត្យ ៣កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែសីហា ឆ្នាំ២០២៦ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ អញ្ជើញទទួលស្វាគមន៍កីឡាករ-កីឡាការិនី នៃព្រឹត្តិការណ៍ «ជិះកង់ដើម្បីទេសចរណ៍បៃតងភ្នំដា និងការសិក្សា រួមទាំងដាំកូនក្ងោកចំនួន ៦០០ដើម» ដោយចេញដំណើរពីរាជធានីភ្នំពេញមកកាន់ស្រុកអង្គរបូរី ក្នុងនោះក៏មានការអញ្ជើញចូលរួមពីឯកឧត្តម ហេង សុខចំរើន អនុរដ្ឋលេខាធិការក្រសួងទេសចរណ៍ និងឯកឧត្តម ដួង វីរ័ត្ន អនុប្រធានប្រចាំការនៃក្រុមប្រឹក្សាភិបាល វេទិកាសម្ព័ន្ធសង្គមស៊ីវិល ព្រមទាំង ភ្ញៀវជាតិ និងអន្ដរជាតិជាច្រើននាក់ រួមទាំងចែកសម្ភារៈសិក្សាដល់សិស្សានុសិស្សខ្វះខាតជាង ៤០០នាក់ មកពីសាលាបឋមសិក្សាចំនួន ៤ និងលោកគ្រូ-អ្នកគ្រូចំនួន ៣១នាក់ ព្រមទាំងធ្វើការដាំកូនក្ងោកចំនួន ៦០០ដើម នៅបរិវេណជើងភ្នំដាផងដែរ ស្ថិតនៅស្រុកអង្គរបូរី ខេត្តតាកែវ៕
ដោយ វិឆៃ ញូស៍
